विराटनगर । बङलादेशमा हालै भएको घटनाको विरोधमा विश्व हिन्दू परिषद् युवा विभाग नेपालले विराटनगरमा प्रदर्शन गरेको छ । विराटनगरको पञ्चमुखी हनुमान मन्दिरमा भेला भई बङलादेशमा हिन्दू समुदायमाथि भइरहेको कथित अन्याय र हिंसाप्रति आपत्ति जनाउँदै प्रदर्शन गरेका हुन् ।
सहभागीहरूले विभिन्न न्यायको नाराहरू लेखिएका प्लेकार्ड बोकेर नगर परिक्रमापछि सोही मन्दिर अगाडी कोणसभा गरेका थिए । विश्व हिन्दू परिषद् युवा विभाग नेपालमा आवद्ध युवाहरुले बङलादेशमा हिन्दू समुदाय असुरक्षित बन्दै गएको आरोप लगाउँदै मानवअधिकारको संरक्षण गर्न अन्तर्राष्ट्रिय दबाब आवश्यक रहेको बताएका छन् ।
उनीहरूले यस्ता घटनाहरू तत्काल रोक्न कूटनीतिक पहल गर्न पनि आग्रह गरेका छन् ।
तस्वीर : प्रेम देवान / आवर विराटनगर
