अमेरिकाको मिनिसोटा राज्यमा एक नेपाली विद्यार्थीको मृत्यु भएको छ । विद्यार्थी अर्बिन थापाको पौडी खेल्ने क्रममा निधन भएको खबर आएको छ । साउथवेष्ट मिनिसोटा स्टेट युनिभर्सिटीमा अध्ययनरत उनी , पौडी खेल्ने क्रममा शनिबार नदीमा बेपत्ता भएका थिए । आइतबार बिहानमात्र उनको शव फेला परेको स्थानीय प्रहरीले उल्लेख गरेको छ । लमजुङको सुन्दर बजार– ३ भोटेओढार स्थायी घर भएका थापा, दुई बर्षअघि विद्यार्थी भिसामा अमेरिका आएका थिए । २० बर्षीय थापा, ‘हस्पिटालिटी म्यानेजमेन्ट’ विषयमा अध्ययनरत थिए । उनको शव पोस्टमार्टमका लागि अस्पतालमा राखिएको बुझिएको छ ।
