विराटनगर । होटल तथा पर्यटन क्षेत्रमा दक्ष जनशक्तिको माग बढ्दै जाँदा व्यावहारिक र अन्तर्राष्ट्रिय स्तरको शिक्षा लिन चाहने विद्यार्थीका लागि विराटनगरको आईएसएमटी कलेजले होटल तथा पर्यटन व्यवस्थापनसम्बन्धी अध्ययनको अवसर प्रदान गर्दै आएको छ।
आईएसएमटी कलेजले बेलायतको सन्डरल्यान्ड विश्वविद्यालयसँगको शैक्षिक साझेदारीमा बीएससी (अनर्स) अन्तर्राष्ट्रिय पर्यटन तथा आतिथ्य व्यवस्थापन कार्यक्रम सञ्चालन गर्दै आएको जनाएको छ। यस कार्यक्रमलाई सामान्य सैद्धान्तिक अध्ययनमा मात्र सीमित नराखी व्यावहारिक तथा उद्योगमुखी सिकाइमा जोड दिइएको कलेजको भनाइ छ।
कार्यक्रमअन्तर्गत विद्यार्थीले ग्राहक सेवा, खाना तथा पेय पदार्थ उत्पादन, आतिथ्य सेवा, आवास तथा अगाडिको कार्यालय सञ्चालन, कार्यक्रम योजना तथा व्यवस्थापनलगायतका विषयमा व्यावहारिक ज्ञान र सीप विकास गर्ने अवसर पाउनेछन्।
सन्डरल्यान्ड विश्वविद्यालयले सूचना प्रविधि, व्यवसाय व्यवस्थापन तथा पर्यटन र आतिथ्य व्यवस्थापनलगायतका क्षेत्रमा शिक्षा तथा अनुसन्धान गर्दै आएको छ। आईएसएमटीसँगको शैक्षिक साझेदारीमार्फत विद्यार्थीले नेपालमै बसेर बेलायती विश्वविद्यालयसँग सम्बन्धित डिग्री अध्ययन गर्ने अवसर पाउने कलेजले जनाएको छ।
विराटनगर–५, कञ्चनबारीमा रहेको आईएसएमटी कलेजले अनुभवी तथा योग्य शिक्षक, आधुनिक पूर्वाधार र विद्यार्थीको व्यक्तिगत तथा व्यावसायिक विकासमा केन्द्रित शैक्षिक वातावरण प्रदान गर्दै आएको जनाएको छ।
अन्तर्राष्ट्रिय स्तरको डिग्रीसँगै व्यावहारिक सिकाइ र होटल तथा पर्यटन क्षेत्रसँग सम्बन्धित सीप विकासलाई प्राथमिकता दिइएकाले विराटनगरमा होटल तथा पर्यटन व्यवस्थापन अध्ययन गर्न चाहने विद्यार्थीका लागि यो कार्यक्रम अध्ययनको एउटा अवसरका रूपमा रहेको कलेजको भनाइ छ।
