सिरहामा ११ सय किलो गाँजा बरामद भएको छ। सिरहाको सुखीपुर नगरपालिका-१० विश्वककर्माचोक गागन खोलापुलबाट गाँजा बोकेको बोलेरो गाडी र मोटरसाइकल नियन्त्रणमा लिइएको हो।
सशस्त्र प्रहरी बल नेपाल नं.७ गण सुरक्षा बेश गोलबजार र सुरक्षा वेश सुखीपुरको संयुक्त टोलीले बा १४ च २९४ नम्बरको बोलेरो गाडी र स ६ प ४८५९ नम्बरको मोटरसाइकलमा लैजाँदै गरेको गाँजा नियन्त्रणमा लिएको हो।
२६ वटा बोरामा प्याक गरिएको ११०२.६५५ केजी गाँजा सहितको गाडी र मोटरसाइकल छाडेर चालक भागेका छन्।
