विराटनगर । विराटनगर महानगरपालिका–१० मा मोटरसाइकल दुर्घटना हुँदा एक युवकको मृत्यु भएको छ ।
बिहीबार राति निर्मल जलबाट जतुवातर्फ जाँदै गरेको प्रदेश १–०४–००१ प ३३७७ नम्बरको १५० सीसी पल्सर मोटरसाइकल अनियन्त्रित भई दुर्घटना भएको हो।
दुर्घटनामा मोटरसाइकल चालक विराटनगर–४ निवासी २४ वर्षीय अंकित पोखरेलको टाउको र नाकमा चोट लागेको थियो। घाइते पोखरेललाई उपचारका लागि विराट नर्सिङ होम पुर्याइएकोमा राति १ः १० बजे चिकित्सकले मृत घोषणा गरेका जिल्ला ट्राफिक प्रहरी कार्यालय मोरङका प्रमुख प्रहरी निरीक्षक सन्तोष न्यौपानेले जानकारी दिए । पोखरेल महेन्द्र मोरङ आर्दश वहुमुखी क्याम्पस विराटनगरका स्ववियू सदस्य समेत रहेका थिए ।
