गाईघाट । टेम्पोबाट खसेर सख्त घाइते भई विराटनगरस्थित न्युरो अस्पतालमा उपचाररत एक महिलाको मृत्यु भएको छ ।
शनिबार बिहान ९ बजे उदयपुरको त्रियुगा नगरपालिका–५ स्थित देउरी बजारको पुल नजिकै टेम्पोबाट यात्रा गरिरहेकी त्रिनपा–५ की वर्ष ४५ की सरस्वती चौधरी यात्राका क्रममा खसेर घाइते भएकी थिइन् ।
जिल्ला प्रहरी कार्यालय, उदयपुरका अनुसार आज बिहान देउरी बजारबाट गाईघाटतर्फ आउँदै गरेकी चौधरी देउरी पुल नजिकै टेम्पोको सिटबाट अचानक खसेर घाइते भएकी थिइन् ।
घाइते चौधरीलाई तत्कालै उपचारका लागि एम्बुलेन्सबाट विराटनगरस्थित न्यूरो अस्पतालमा पु¥याएपछि उपचारका क्रममा मृत्यु भएको जिल्ला प्रहरी कार्यालय, उदयपुरका प्रहरी नायब उपरीक्षक ओमबहादुर रानाले बताए ।
टेम्पो चालक त्रिनपा–३ बस्ने १८ वर्षीय नरेश तामाङ र टेम्पो प्रहरीले नियन्त्रणमा लिएर अनुसन्धान सुरु गरेको प्रहरीले बताएको छ । चौधरीको टाउकामा गम्भीर चोट लागेका कारण मृत्यु भएको हुन सक्ने प्रहरीले बताएको छ । रासस
