विराटनगर, भाद्र ६ गते
इलाका प्रहरी कार्यालय रानीले मंगलबार लागूऔषध दुर्व्यसनीहरुलाई सचेतनामुलक कार्यक्रम गरेको छ।
“सिमावर्ती एरियामा लागूऔषध नियन्त्रण अभियान” अन्तर्गत भारतीय नाका जोगबनीमा लागूऔषध सेवन गरी फर्केका दुर्व्यसनीहरुलाई इलाका प्रहरी कार्यालयमा ल्याई स्थानीय बुद्दिजिबी, भद्रभलादमी तथा अभिवावक समेतको उपस्थितीमा लागूऔषध प्रयोगबाट समाज र व्यक्तीमा पर्ने असरहरुका बारेमा दुई घण्टा सचेतनामुलक प्रशिक्षण दिईएको हो।
अभियान अन्तरगत ईनरुवा, धरान, तरहरा, ईटहरी, बेलबारी, उर्लाबारी, हरैचा, उदयपुर र बिराटनगरका बिभिन्न स्थानबाट भारतको जोगबनीमा आई लागूऔषध सेवन गरी फर्केका ५५ जना सेवनकर्ताहरु सहभागी रहेको nइलाका प्रहरी कार्यालय रानीका प्रमुख प्रहरी निरीक्षक सन्तोष निरौलाले जानकारी दिनुभयो।
