नवलपरासी, रासस । नवलपरासीमा जारी नेपाल र भारतबीचको अन्तर्राष्ट्रिय कुस्ती प्रतियोगिताको उपाधि भारतका कुस्तीबाजले संयुक्तरुपमा जितेका छन् ।
जिल्लाको सुस्ता गाउँपालिका वडा नं। ५ पक्लिहवाको ठाढीघाट मेलामा शनिबार सम्पन्न प्रतियोगितामा खेलको उपाधि भारतको गाजियाबादका ओमप्रकाश पहलवान र भारत महराजगन्ज शैलेस पहलवानले संयुक्त रुपमा जितेका हुन् ।
खेलमा प्रथम हुने विजेताले क्रमश ६ हजार नगदसहित एक थान टीभी सेट र प्रमाणपत्र प्राप्त गरेका छन् । यसैगरी खेलमा द्वितीय हुनेलाई ४ हजार, एक थान टीभी तथा तृतीय हुनेलाई २ हजारसहित एक थान साइकल प्रदान गरिएको थियो ।
विजेता कुस्तीबाजहरुलाई निवर्तमान् सांसद देवकरणप्रसाद कलवारले पुरस्कार प्रदान गरेका थिए । प्रतियोगितामा कुल ४२ जोडीले प्रतिस्पर्धा गरेका थिए ।
