आपसी विवादमा साथीलाई एसिड छर्कने बुटवलका एक युवकलाई प्रहरीले पक्राउ गरेको छ । वुटवल उपमहानगरपालिका ११ स्थित प्रगतिनगरका २६ वर्षिय प्रेम सुनवारलाई साथीलाई एसिड छर्केको भन्दै प्रहरीले पक्राउ गरेको हो ।
सुनुवारले शनिवार सोही ठाउँका ३० वर्षिय सुनम केसीलाई एसिड प्रहार गेका थिए । सामान्य विवाद भएपछि सुनवारले केसीसँगै ३१ वर्षिय श्याम गुरुङलाई पनि एसिड प्रहार गरेको बताइएको छ । एसिड लागि घाइते दुवै जनाको लुम्विनि अञ्चल अस्पतालमा उपचार भइरहेको प्रहरीले जनाएको छ ।
