काठमाडौं । नेपाल प्रहरीले अवैध रूपमा यौन शक्तिवर्द्धक बस्तु भन्दै विक्री गर्ने १६ जनालाई काठमाडौंका विभिन्न स्थानबाट पक्राउ गरेको छ।
प्रहरी प्रधान कार्यालय केन्द्रीय अनुसन्धान ब्यूरो महाराजगंजको प्रहरी टोलीले शुक्रबार उनीहरुलाई पक्राउ गरेको हो।
विभिन्न दैनिक तथा साप्ताहिक पत्रिकामा यौनशक्ति, सुपर यौन, यौन सन्तुष्टी जस्ता विज्ञापन प्रकाशित गरी उनीहरुले आफ्नो व्यवयास सञ्चालन गर्दै आएका थिए।
‘उपत्यका आसपासका ईलाकाहरुमा केहीले कम्पनी समेत दर्ता नगरी तथा दर्ता भएका कम्पनीहरुले समेत सर्वसाधारणमा भ्रम सिर्जना गरी झुक्याई ठगी गरेको सूचना प्राप्त भएपछि प्रहरीले उनीहरुलाई पक्राउ गरेको हो,’ प्रहरी बुलेटिनमा भनिएको छ। उनीहरुका सम्बन्धमा प्रहरीले थप अनुसन्धान गरिरहेको बताइएको छ।