सर्लाहीको लालबन्दी नगरपालिका १ नवलपुरमा सोमबार घाँटीमा भात अड्किएर एक जनाको मृत्यु भएको छ । स्थानीय उपेन्द्र चालिसेको निर्माणाधिन घरका कामदार महोत्तरी लक्ष्मिनियाका ६० वर्षीय टेकबहादुर तामाङको मृत्यु भएको जिल्ला प्रहरी कार्यालय सर्लाहीले जनाएको छ ।
राती १० बजे भात खाने क्रममा तामाङको घाँटीमा भातको गाँस अड्किएको थियो । तामाङको उपचारको लागि अस्पताल लैजाने क्रममा बाटोमै मृत्यु भएको प्रहरीले जनाएको छ ।