नेपालको तराईका विभिन्न क्षेत्रसहित भारतका पञ्जाव, बिहार, पश्चिम बंगाल, मेघालय र आसाम, बङ्गलादेश तथा पाकिस्तानको आकाशमा देखिएको कुहिरो भारतको यमुना र गंगा नदी आसपासमा बनाइएका नहरका कारण भएको मौसम पुर्वानुमान महाशाखाले जनाएको छ ।
“यी नदीहरुमा बनाइएको नहरका कारण कुहिरो बढेको हो,” महाशाखाका मौषविद समिर श्रेष्ठले बाह्रखरीसँग भने, “नहरबाट निस्किएको जलवाष्पका कारण कुहिरो बढेको हो ।”
पश्चिमी वायुको चाप कम भएकाले कुहिरोको मात्रा बढेको र पश्चिमी वायु बढेपछि कुहिरोको मात्रा घट्ने श्रेष्ठले बताए । सम्बन्धित देशको अन्तर्राष्ट्रिय उडानलाई कुहिरोले केही प्रभाव पार्ने भए पनि नेपालको अन्तर्राष्ट्रिय र आन्तरिक उडान कुहिरोका कारण प्रभावित नहुने श्रेष्ठले बताए ।
“तर, सिजनेवल हुस्सु र बदलावका कारण आन्तरिक उडानमा केही प्रभाव परिरहेको छ,” उनले भने ।
