विराटनगर माघ ५, बिराटनगरमा विराटनगर जुनियर जेसिजद्वारा आयोजित टेस्टी-टेस्टी अन्तर बिद्यालय हाजिरी जवाफको २२औ संस्करणको उपाधी मोर्डन एरा स्कूल बिराटनगरले जितेको छ । विराटनगरको बिरेन्द्र सभा गृहमा भएको फाइनल चरणको खेलमा मोर्डन एराले जित हासिल गरेको हो। उपाधीसँगै मोर्डन एरा स्कुलले १५ हजारका नगदका साथै ट्रफि हात पारेको छ । कार्यक्रममा बिराटनगर कै एभरेस्ट स्कूल दोश्रो ,मार्टस स्कुल तेस्रो ,सगरमाथा चौथो ,जेम्स इनटरनेशनल पाँचौ र राइजिङ बोर्डिङ स्कुल छैटौ भएको छ ।गत वर्ष जेम्स स्कुलले उपाधि जितेको थियो ।
२०७४ पुस ३० गतेदेखि शुरु भएको प्रतियोगितामा ३६ वटा स्कूलको सहभागिता रहेको थियो । विजयी तथा अन्य खेलाडिलाई प्रमुख अतिथि बिराटनगर महानगरपालिकाका मेयर भीम पराजुली, लायन्स क्लबका डिस्ट्रीक गभर्नर लिला ढुङेल , काबरा ग्रुपका निर्देशक नवल किशोर काबरा ,जेसीजका पूर्व अध्यक्ष टिपि आचार्य ,प्रज्वललाल श्रेष्ठ, हरिबाहादुर श्रेष्ठले पुरस्कार तथा प्रमाण पत्र वितरण गर्नुभएको थियो ।
