विराटनगर, २१ माघ ।
मोरङको सुनवर्षी नगरपालिका ९ डाँईनियामा आगो ताप्नेक्रममा शरीरमा आगो सल्किँदा एक महिलाको ज्यान गएको छ । आगो तप्ने क्रममा शरीरमा आगो लागेर घाइते भएकी स्थानीय ४० वर्षीया गीतादेवी मल्लिकको उपचारका क्रममा मृत्यु भएको हो । राती आफ्नै घरको चुल्होमा आगो ताप्दा मल्लिकको शरीमा अचानक आगो सल्किएको थियो । घाईतेपछि उपचारका लागि कोशी अञ्चल अस्पताल विराटनगर ल्याएकोमा राती १ बजे मृत्यु भएको ईलाका प्रहरी कार्यालय रंगेलीले जनाएको छ । घटना सम्बन्धमा प्रहरीबाट अनुसन्धान भई रहेको छ।
