विराटनगर २३ माघ ।
प्रदेश नं १ को मुख्यमन्त्री एव मन्त्री परिषदको कार्यालय खुलेको छ । क्षेत्रीय कृषि निर्देशनालयको कार्यालयमुख्यमन्त्री एव मन्त्री परिषदको कार्यालय खुलेसगै मुख्य सचिव यादव कोइरालाले पदवहाली गरेका छन् । उनले हाजिरीमा हस्ताक्षर गरी पदवहाली गरे । पदवहालीपछि मुख्य सचिव कोइरालाले एक नम्बर प्रदेशमा तोकिएका कार्यहरुलाई सूचारु गर्न मुख्यमन्त्री तथा मन्त्री परिषद कार्यालयबाट काम हुने जानकारी दिए । 
उनले सरकार गठनपछि भौतिक पूर्वाधार निर्माण, विकास, सेवालगाय कामलाई सम्बन्धित मन्त्रालयबाट हुँदै जाने र मुख्यमन्त्री कार्यालयबाट त्यस्ता कामको अनुगमन हुने पनि जानकारी दिए । मुख्य सचिव कोइरालाले अन्य मन्त्रालय खुल्दै जाने र तिनमा आवश्यक कर्मचारीहरु आउँदै जाने जानकारी दिए । मुख्यमन्त्री एव मन्त्री परिषदको कार्यालय सचिव सन्तोष श्रेष्ठका अनुसार मन्त्रालयका लागि २३ जना कर्मचारी रहनेछन। श्रेष्ठ सहित दुई सचिव मन्त्रालयका रहनेछन । क्षेत्रीय कृषि निर्देशनालयका बरिष्ठ कृषि विकास अधिकृत राजेन्द्र उप्रेतिले प्रयोग गर्दै आएको कोठालाई मर्मत गरेर मुख्य मन्त्री तथा मन्त्रिपरिषद कार्यालयका सचिवको कार्यकक्ष बनाइएको छ ।
