उदयपुरको दुई स्थानमा आगलागीबाट दुई घर जलेका छन्। त्रियुगा नगरपालिका ११ पुरानो सब्जी बजारस्थित भक्तबहादुर दनुवारको घरमा अचानक विधुत सर्ट हुँदा आगलागी भएको हो । आगलागीबाट दनुवारको घर पूर्ण रुपमा जलेको छ। राती ८ बजे भएको आगलागी राती ११ बजे नियन्त्रणमा आएको जिल्ला प्रहरी कार्यालय उदयपुरले जनाएको छ।
यसैगरी चौदण्डिगडी नगरपालिका ४ बसाहा स्थित चन्द्रकला राईको घरमा राती टुकी बत्तीबाट अचानक आगलागी हुँदा काठले बनेको घर, फर्निचर, लत्ताकपडा र भाडावर्तन जलेका छन। आगलागीबाट राईको करिब पन्ध्र लाख बराबरको धनमाल क्षति भएको बताईएको छ। आगो स्थानीय , प्रहरी र दमकलको सहयोगमा एक घण्टामा नियन्त्रणमा आएको थियो ।
