ताप्लेजुङ, २ फागुन । ताप्लेजुङमा नक्कली नोट फेला परेको छ । नेपाल बैंक लिमिटेडले नक्कली नोट फेला पारेको हो । 
जिल्लाको पाथीभरा बहुमुखी क्याम्पसमा भागवत सप्ताह महाज्ञान यज्ञमा दान गरेको रकममा ५ सय रुपैयाँको नक्कली नोट फेला परेको बैंकका खजान्सी दिपक भट्टराईले बताउनुभयो । दान गरेको रकम बैंकमा जम्मा गर्दा एउटा नोट फेला परेको भट्टराईले जनकारी दिनुभयो । यो नोट कसले दान गरेको हो भन्ने थाहा नभएको बतार्ईएको छ । अहिलेसम्म जिल्लामा नक्कली नोट फेला परेको थिएन । यो पहिलो पटक फेला परेको समेत उहाँले बताउनुभयो । तर नोट भने धेरै पुरानो भएको भट्टराईले जानकारी दिनुभयो ।
