विराटनगर, ३ फागुन ।
एक नम्बर प्रदेशका मुख्यमन्त्री शेरधन राईको लागि सपथ ग्रहणको कार्यक्रम तय भएको छ । १ नम्बर प्रदेश प्रमुखको कार्यालयले दिउँसो ३ बजे बिराटनगरमा रहेको बिरेन्द्र सभागृहमा सपथग्रहणको तयारी थालेको हो । बुधवार दिउँसो मु्ख्यमन्त्रीको प्रमाणपत्र लिए लगत्तै सपथ ग्रहणको कार्यक्रम गर्ने तय भएको हो । प्रदेश प्रमुखको कार्यालयका सचिव रामकृष्ण गुरागाईले सपथ ग्रहणको तयारी भईरहेको जानकारी दिनुभयो ।
नेपालको संबिधानको धारा १६८ को उपधारा १ बमोजिम प्रदेश नम्बर १ को मु्ख्यमन्त्रीमा नियुक्त हुनु भएको राईको सपथ ग्रहण लगत्तै मुख्यमन्त्री राईले मन्त्रीहरुको नियुक्त गर्ने कार्यक्रम रहेको छ। मुख्यमयन्त्री राईलाई प्रदेश प्रमुख प्रा.डा. गोबिन्द बहादुर तुम्बाहाङले सपथग्रहण गराउनुहुनेछ।
