कोरियाको ख्यङसाङनामदो प्रान्तको मिरयाङ सिटिमा अवस्थित माछाको चारो (दाना) बनाउने एक कम्पनीमा कार्यरत मोरङ बेलबारी ११ लक्ष्मीमार्गका एक युवाको ज्यान गएको छ ।सो उद्योगमा कार्यरत बालकुमार राईको मृत्यु भएको सोही कम्पनीमा कार्यरत उनका सहकर्मी सहकर्मी नवराज राईले जानकारी दिएका छन ।
राईका अनुसार बिहान अन्दाजी १० बजे मेसिनमा काम गरिरहेको अवस्थामा अकस्मात मेसिन पडकिएर सो मेसिनबाट निस्किएको तातो पाउडरले सबै शरीर जलेपछि बुसानको एक अस्पतालमा उपचारको क्रममा मंगलबार विहान २ बजे उनलाई अस्पतालले मृत घोषणा गरेको छ ।ईपीएस मार्फत अन्दाजी ३८ महिना अघि मृतक राई कोरिया पुगी सो कम्पनीमा कार्यरत थिए । सो कम्पनीमा ६ जना नेपाली कार्यरत छन । सोही कम्पनीमा कार्यरत अन्य नेपालीहरुले एक असल साथी गुमाएकोमा दुख व्यक्त गरेका छन ।
