काठमाडौं । नेपाली कथानक चलचित्र ‘नाई न भन्नु ल–५’ को गीत सार्वजनिक भएको छ । चलचित्रको शीर्ष गीत ‘तिम्रो आँखामा आँखा जुधाई...’ मङ्गलवार सार्वजनिक गरिएको हो ।
वसन्त सापकोटाको सङ्गीत रहेको गीतमा शब्द दिनेश थपलियाको छ । गीतमा मेलिना राईको स्वर रहेको छ ।
भिडियोमा चलचित्रका मुख्य कलाकार स्वस्तिमा खड्का र अभिषेक नेपाल फिचर्ड छन् ।
चलचित्रमा स्वस्तिमा र अभिषेकसँगै प्रियंका कार्की, केकी अधिकारी, निरुता सिंह, दिलीप रायमाझी अनुभव रेग्मी, सेड्रीना शर्मालगायतका कलाकारको अभिनय रहेको छ । भदौ ८ गतेलाई रिलिज डेट लक गरिएको चलचित्र विकास राज आचार्यले निर्देशन गरेका हुन् ।
