मोरङ, साउन १७।
मोरङ जिल्लाको बेग्लाबेग्लै स्थानमा बुधबार भएको सवारी दुर्घटनामा चार जना घाइते भएका छन।
मोरङ जिल्लाको सुन्दर-हरैचा नगरपालिका १२ स्थित शुक्रबारे-बेलेपुर भित्रि सडक खण्डमा बुधबार बिहान १०:३० बजे को २२ प ७५०८ नम्बरको स्कुटर र को ४ प ६८८६ नम्बरको मोटरसाइकल एक आपसमा ठोक्किदा तीन जना घाइते भएका छन।
घाइतेहरुमा मोटरसाइकल चालक सुन्दर-हरैचा नगरपालिका १२ बस्ने वर्ष २९ को जलेश्वर मण्डल, मोटरसाइकल पछाडी सवार वर्ष ६० की खिला देवी उराव र स्कुटर चालक सुन्दर-हरैचा नगरपालिका १२ बस्ने वर्ष ४२ की चन्द्रावती श्रेष्ठ रहेका छन।
घाइते तीनै जनाको सुकुना सामुदायिक अस्पतालमा उपचार भईरहेको छ भने दुर्घटनामा संलग्न मोटरसाइकल र स्कुटर प्रहरी चौकी विराटचौकमा राखिएको छ।
यसैगरी रतुवामाई नगरपालिका ४ आमबाडी स्थित विराटनगर-रंगेली सडक खण्डमा दिउँसो १२:१० बजे को २९ प ६७२ र को २४ प २८६२ नम्बरको मोटरसाइकल एक आपसमा ठोक्किदा दुई जना घाइते भएका छन।
घाइते हुनेमा मोरङ कटहरी गाउँपालिका ४ बस्ने वर्ष ३० को राजेश राई र सुनवर्षी नगरपालिका ४ बस्ने वर्ष ५० को बद्री बहरदार रहेका छन।
घाइते दुबै जनाको विराटनगर स्थित विराट अस्पतालमा उपचार भईरहेको छ भने दुर्घटनामा संलग्न दुबै मोटरसाइकल इलाका प्रहरी कार्यालय सिजुवामा रहेका छन।
