विराटनगर १७ साउन । श्रीमती कुटपिट गर्ने ५५ वर्षका खगेन्द्र श्रेष्ठलाई प्रहरीले पक्राउ गरेको छ । सुनसरी जिल्लाको इटहरी उपमहानगरपालिका ५ जनता बस्तीमा आज विहान घरायसी विवाद हुँदा ५३ वर्षीया श्रीमती खड्ग कुमारी श्रेष्ठलाई बाँसको भाटाले कुटेको आरोपमा श्रेष्ठलाई इलाका प्रहरी कार्यालय इटहरीले पक्राउ गरेको हो। श्रेष्ठलाई अनुसन्धानका लागि ईलाका प्रहरी कार्यालय ईटहरीमा राखिएको छ भने कुटपिटबाट घाइते खड्ग कुमारीको एपेक्स अस्पताल ईटहरीमा उपचार भई रहेको एक नम्बर प्रदेश प्रहरी कार्यलयले जानकारी दिएकाे छ । ।
