मोरङ, साउन १९गते।
मोरङ जिल्लाको लेटाङ् नगरपालिका १ स्थित कुईकुण्डा भन्ने स्थानमा शुक्रबार विहान १०:३० बजे यात्रुवाहक पिकअप दुर्घटना हुँदा २ जनाको घटनास्थलै मृत्यु भएको छ भने ११ जान घाइते भएका छन।
मोरङको सिंहदेवीबाट लेटाङ बजारतर्फ आउदै गरेको मे १ ज १११५ नम्बरको पिकअप आफै अनियन्त्रित भई दुर्घटना हुँदा जिल्ला धनकुटा चौबिसे गाउँपालिका ८ आईतबारे बस्ने वर्ष ५० की चन्द्रमाया लिम्बु र भारत आसाम बस्ने वर्ष २१ को तपन ठकुरीको घट्नास्थलमै मृत्यु भएको छ भने अन्य ११ जना घाइते भएका छन।
घाइतेहरुमा पिकअप चालक मोरङ्ग लेटाङ्ग नगरपालिका बस्ने वर्ष २१ को बिश्व तामाङ्ग, यात्रीहरु मोरङ्ग जिल्ला केराबारी गाउँपालिका २ सिंहदेवी बस्ने वर्ष २१ की गंगा लिम्बु, सोही स्थान बस्ने वर्ष ७९ को गणेश युवा लिम्बु, वर्ष १९ की ममता राई, धनकुटा जिल्ला चौविसे गाउँपालिका ८ बस्ने वर्ष १३ को दिवश राई, वर्ष ४० की मनमाया लिम्बु, केराबारी गाउँपालिका २ बस्ने वर्ष ७० की सुनमाया राई, केराबारी-२ सिहंदेवी बस्ने ६५ की बुद्धमाया लिम्बु, सोही स्थान बस्ने वर्ष २७ की शान्ता लिम्बु, वर्ष १८ को बिवेक मगर र अन्दाजी वर्ष ७० की नाम नखुलेकी महिला रहेकी छन।
घटनास्थलमा इलाका प्रहरी कार्यालयल लेटाङबाट खटिएको प्रहरी टोलीद्वारा घाइतेहरुलाई उपचारका लागि लेटाङ अस्पताल पुर्याएका छन।
