विराटनगर, १९ साउन । मोरङ जिल्लाको विभिन्न स्थानबाट शनिबार लागूऔषध सहित २ जना पक्राउ परेका छन । विराटनगर महानगरपालिका-१५ स्थित विराटनगर भन्सार कार्यालयको ढाट नजिकैबाट प्रहरीले लागूऔषध टिडिजेसिक सहित सुनसरी वराह नगरपालिका-१ बस्ने वर्ष १७ को प्रविण विश्वकर्मालाई पक्राउ गरेको छ । चेकजाँचका क्रममा विश्वकर्माको साथबाट लुपिजेसिक ९ एम्पुल, एभिल ९ एम्पुल, डाईजेल्याप ९ एम्पुल र फेनारगन ९ एम्पुल बरामद भएको सिमा प्रहरी चौकी रानीले जनाएको छ । विश्वकर्मालाई बरामद लागूऔषध सहित थप कारवाहीका लागि इलाका प्रहरी कार्यालय रानीमा बुझाइएको छ ।
यसैगरी सुनवर्षी नगरपालिका-८ हर्षनगढी स्थित सिक्टी-डाईनिया भित्रि सडक खण्डबाट प्रहरीले लागूऔषध सहित दुई जनालाई पक्राउ गरेको छ । प्रहरी चौकी सिक्टीबाट निस्केको गस्ती टोलीले को १३ प ६६८ नम्बरको मोटरसाइकलमा सवार रहेका मोरङ रतुवामाई नगरपालिका-५ बस्ने वर्ष २१ को कपिल कुमार राय र सोही स्थान बस्ने वर्ष १७ को धर्मदेव ऋषिदेवको साथबाट १५ पिस लागूऔषध नाइट्रोसन ट्याब्लेट र ५ ग्राम गाँजा बरामद गरेको हो । दुबै जनालाई बरामद लागूऔषध र मोटरसाइकल सहित अनुसन्धानका लागि इलाका प्रहरी कार्यालय रंगेलीमा राखिएको छ ।
