काठमाडौं । बलिउड र नेपाली चलचित्रको सहकार्यमा बन्न लागेको नेपाली फिल्म ‘पासवर्ड’मा बलिउडकी हट अभिनेत्री सन्नी लियोनीले अभिनय गर्ने भएकी छिन् । चलचित्र ‘पासवर्ड’को सम्पूर्ण छायाङ्कन भने लन्डनमा हुने भएको छ । यो चलचित्रमा सन्नीको साथमा केही नेपाली कलाकारहरुपनि देखिने भएका छन् । चलचित्रमा अनुप विक्रम शाही, नायिका छुल्ठिम गुरुङ, रविन्द्र झा, प्रवीण खतिवडा लगायतका कलाकारहरू देखिने भएका छन् ।
यस विषयमा अभिनेता अनुप विक्रम शाहीसँग बुझ्न खोज्दा उनी भन्छन् ‘यो चलचित्रको लागी साइन भइसकेको छ । चलचित्रमा सन्नीको अहम भूमिका रहेको छ । उनको एक आइटम गीत पनि छ । तर कस्तो भूमिका हो खुलाउन मिल्दैन । ’ अनुपको अनुसार चलचित्र छायाङ्कनको लागी यो टिम केही दिनमै लडण्न उडदैछ । चलचित्रलाई सम्राट बस्नेतले निर्देशन गर्दैछन् । चलचित्रलाई निर्माण भने हिराल जोशी र अमित बस्नेतले संयुत्तरुपमा गर्दैछन् ।
