ईलाम, ८ भदौ । ईलाम जिल्लाको चुलाचुली गाउँपालिका २ र ३ को विचमा पर्ने चाँजो खोलाले बगाएर १ जना बालिकाको शव फेला परेको छ । स्थानीय सूर्योदय प्राथमिक विधालयमा कक्षा २ मा अध्ययनरत अन्दाजी वर्ष ११ की एलिना राईको शव शुक्रबार खोलाले बगाई ल्याएको अवस्थामा फेला परेको हो । घटनास्थलमा प्रहरी चौकी पेल्टीमारीबाट प्रहरी नायव निरीक्षकको टोली खटिगई कानूनी प्रकृया पूरा गरी शव पोष्टमार्टमको लागि दमक अस्पताल ल्याईएको छ ।
