धनकुटा भदौ १३, कोशी राजमार्गको धरान-धनकुटा सडकखण्ड अन्र्तगत साँगुरीगढी गाउँपालिका-६ कोल्बोटेमा यात्रुबाहक बस दुर्घटना हुँदा १७ जना घाइते भएका छन्। सुनसरीको इनरुवाबाट वनभोजका लागि नमस्ते झर्नातर्फ आइरहेको को १ ख ३५८३ नम्बरको भगवती ट्राभलको बस ब्रेक फेल भई दुर्घटना भएको ट्राफिक प्रहरी कार्यालय धनकुटाका असई केशबबहादुर भुजेलले बताए।
घाइते सबैलाई उपचारका लागि धरानस्थित विपी कोइराला स्वास्थ्य विज्ञान प्रतिष्ठान पठाइएको छ । घाइतेमध्ये तीनजनाको अवस्था गम्भीर रहेको बताइएको छ।
