धनकुटा, १७ भदौ ।
तेह्रथुम र धनकुटाको सिमानामा रहेको पटके डाडाँमा भएको धार्मीक तथा पर्यटकीय महोत्सबमा ५० लाख भन्दा बढीको कारोवार भएको छ ।
पटकेडाँडा जाऔ धार्मिक पर्यटन प्रबद्र्धनमा सहभागी होऔ भन्ने नाराका साथ सम्पन्न भएको पटकेडाँडा धार्मीक तथा पर्यटकीय महोत्सबमा ५० लाख भन्दा बढीको कारोवार भएको हो । तीन दिन सम्म सञ्चालन भएको महोत्सवमा २० हजार पर्यटकले अबलोकन गरेको आयोजक समितिका अध्यक्ष होम रायले बताए । कोशी पहाडी सडकले छोएको धनुकुटा र तेह्रथुमको सिमानामा रहेको पटकेडाँडामा स्थानीय सरकारले पहिलो पटक धार्मीक तथा पर्यटकीय महोत्सब आयोजना गरेको हो । महोत्सवमा स्थानीय जातका परिकार देखि लिएर विभिन्न जातजातीका संस्कृति झल्कने नाच पनि प्रस्तुत गरिएको थियो ।
