अर्घाखाँची,२४ भदाै । गएको भदौ १८ गते सन्धिखर्क नगरपालिका–१२, बस्यालटोलामा प्रेमीसँग मिलेर श्रीमानको हत्या गर्ने श्रीमतीसहित हत्यामा संलग्न भएको आरोपमा तीन जना अभियुक्तलाई प्रहरीले सार्वजनिक गरेको छ ।
कपिलवस्तुको वाणगंगा नगरपालिका वडा नम्बर –७, धैरेनीडाँडाका ३६ वर्षीय धनबहादुर घर्ती मगरको हत्या गरेर फाल्ने उनकै श्रीमती राधा बस्याल, राधाका प्रेमी रुकुम बाफीकोटका रमेश विक र राधाकी आमा बसुन्धरा बस्याललाई प्रहरीले सार्वजनिक गरेको हो । घटनाका अभियुक्त रमेश विक र राधा घर्तीबीच ८ वर्षदेखिको प्रेम रहेको र विवाह गरी घरजम गर्ने उद्धेश्यका साथ नियोजित ढंगबाट धनबहादुरको हत्या गरेको पत्रकार सम्मेलनमा प्रहरी नायव उपरीक्षक नवराज मल्लले जानकारी दिए ।
