ईलाम, २८ भदाै । ईलाम जिल्लाको ईलाम माई नगरपालिका-९ मा लोदिया खोलाले बगाएर एक बृद्धको मृत्यु भएको छ । खोलाले वगाएर ईलाम माई नगरपालिका-९ स्थित कालीखोप बस्ने ८४ बर्षीय सूर्य बहादुर राईको मृत्यु भएको जिल्ला प्रहरी कार्यालय ईलामले जनाएको छ । बजार जान्छु भनि घरबाट निस्केका राई साँझसम्म पनि घर फर्केर नआए पश्चात आफन्तले प्रहरीमा खबर गरेका थिए । खोलाले बगाएर बेपत्ता बनाएको भन्ने जानकारी पाउना साथ तत्काल प्रहरी चौकी चिसपानीबाट गएकाे प्रहरीकाे टोलीले राती १२ बजे राईको शव लोदिया खोलाको किनारमा फेला पारेको थियो । शव पोष्टमार्टमको लागि मेची अंचल अस्पताल झापाकाे भद्रपुर पठाईएको ईलाम प्रहरीले जनाएको छ ।
