सप्तरी, असोज १ । सप्तरीको भारदहमा गएराति अचेत अवस्थामा फेला परेका एक प्रहरी कर्मचारीको उपचारको क्रममा मृत्यु भएको छ ।
ईलाका प्रहरी कार्यालय भारदह दरबन्दी भइ हाल अस्थायी प्रहरी पोष्ट त्रिकोलमा कार्यरत प्रहरी सहायक निरीक्षक मेघ बहादुर राना मगरको मृत्यु भएको हो ।
गएराति ११ बजे खाना खान बोलाउन जाँदा ओछ्यानमा अचेत अवस्थामा फेला परेका उनको उपचारको क्रममा विपी कोइराला स्वास्थ्य विज्ञान प्रतिष्ठान धरानमा मृत्यु भएको सप्तरी प्रहरीले जनाएको छ ।
