विराटनगर, ९ असोज । जेनिथ इन्टरनेशनल कलेज विराटनगरको कार्यकारी अध्यक्षमा दुर्गानन्द चौधरी नियुक्त हुनु भएको छ । नवनियुक्त अध्यक्ष चौधरीले सोमबारबाट पदभार ग्रहण गर्नु भएको हो । कलेजमा उहाँलाई कार्यकारी निर्देशक सीए अश्विनी बंशल, क्याम्पस प्रमुख सन्दीपदास श्रेष्ठ, प्रा.डा. सदेह हमाले, किरण आचार्यले स्वागत गर्नु भएको थियो ।
उहाँहरुले नवनियुक्त अध्यक्ष चौधरीलाई सफल कार्यकालको शुभकामना समेत दिनु भएको छ । कार्यकारी अध्यक्ष चौधरी त्रिविका सेवा निवृत्त प्राध्यापक तथा पूर्वाञ्चल विश्वविद्यालयका पुर्व डिन समेत रहेको क्याम्पस प्रमुख सन्दीपदास श्रेष्ठले जानकारी दिनुभयो ।
