विराटनगर असोज १४ , विराटनगरको आरोहण गुरुकुलमा चर्चित उपन्यासमा आधारित नाटक "एक चिहान" मञ्चन भईरहेको छ । बिराटनगरको हामी युवाको आयोजनामा स्वर्गीय उपन्यासकार ह्दयचन्द्र सिंह प्रधानद्धारा लिखित उपन्यास एक चिहानको नाट्य रुपान्तर गरी मञ्चन सुरु गरिएको हो ।
असोज ६ गतेदेखि सुरु भएको नाटक असोज १६ गते सम्म मञ्चन हुने निर्देशक मुकेश कर्णले जानकारी दिए । शुक्रबार एक दिनमा ५ शो नाटक मञ्चन गरिएको निर्देशक कण बताए । 
स्व. उपन्यासकार ह्दयचन्द्र सिंह प्रधानद्धारा लिखित चर्चित उपन्यास एक चिहान कक्षा ११ र १२ को पाठ्यक्रम पनि समाबेश छ । पहाडी गरिबी परिबेसमा रहेको नेवार परिवारले भोग्नु परेका समस्या र अफ्ठयाराहरुका बारेमा ब्याख्या गरिएको छ ।मुकेश कर्णले निर्देशन गरेको नाटकमा देबेन्द्र यादव, सुरेश मण्डल, अश्मिना भट्टा कर्ण, उद्धव सापकोटा, राजेश ढकाल, राम राजबंशी, अनु श्रेष्ठ, समिक्षा कार्की, बिकास पराजुली, प्रेम दाहाल, सुबास बिष्ट र भरत कार्कीले अभिनय गरेका छन् ।
