काठमाडौं कार्तिक १० , सिङगिङ रियालिटी शो ‘नेपाल आइडल’ बाट धरानकी जस्मिन लिम्बू बाहिरिएकी छिन् । टप टेन प्रतिस्पर्धीले बिहीबार दिएको प्रस्तुती हेरेर दर्शकले गरेको भोटका आधारमा उनी बाहिरिएकी हुन् ।
शुक्रबार साँझको नेपाल आइडलको एलिमिनेशन राउन्डमा सबैभन्दा कम भोट पाएपछि लिम्बू बाहिरिन पुगेकी हुन् । उनी एक पटक आउट भइसकेपछि ‘वाइल्ड कार्ड इन्ट्री’ मार्फत नेपाल आइडलमा प्रवेश गरेकी थिइन् ।
दर्शकले सबैभन्दा कम भोट उनैलाई गरेपछि उनी एक हप्ता पनि नेपाल आइडलमा रहन सकिनन् । अब गाला राउण्डमा ९ जना प्रतिस्पर्धी बाँकी छन् ।
यो हप्ता सबैभन्दा धेरै भोट दोलखाका पवन गिरीले पाएका नेपाल आइडलले जनाएको छ ।
तस्बिरः एपीवान टेलिभिजन
