वीरगञ्ज, १० कात्तिक । पर्साको वीरगञ्ज महानगरपालिका–१६ बाट एपीएफ टोलीले एउटा पेस्तोल, सोको दुईवटा म्याग्जिन र ८ वटा गोलीसहित तीन जनालाई पक्राउ गरेको छ ।
टोलीले भारतीय नम्बर बीआर ०५ पीए ६१७७ को स्कारपियो गाडीमा जाँच गर्ने क्रममा पेस्तोल तथा गोली फेला परेको हो ।सोही क्रममा भारत बिहारका अवद बिहारी प्रसाद, उमेशप्रसाद गुप्ता र गाडी चालक ओमप्रकाश पासवान पक्राउ परेका हुन् । पक्राउ परेका तीनै जनालाई आवश्यक कारबाहीको लागि स्थानीय प्रहरीमा बुझाइएको छ ।
