काठमाडौं । पछिल्लो समय निकै सम्भावना बोकेकी नयिकाको रुपमा नवनायिका दीपिका प्रसाईलाई लिने गरिन्छ । चलचित्र ऐश्वर्य मार्फत चलचित्र क्षेत्रमा डेव्यु गरेकी प्रसाईको यतिबेला चलचित्र ‘छक्का पन्जा ३’ देशभरका हलहरुमा प्रर्दशन भइरहेको छ ।
उनै नायिका दीपिका प्रसाई र निर्देशक दिवाकर भट्टराईको इन्गेजमेन्ट भएको छ । दुबैले सामाजिक सञ्जालमा फोटो राखेर क्याप्सन लेख्दै आफ्नो सपना पुरा भएको र सधैको लागी आफ्नो भएको कुरा आफ्ना शुभचिन्तकहरुलाई जानकारी गराएका छन् ।
दिपिका र दिवाकर प्रेम सम्बन्धमा रहेको खवरहरु सञ्चार माध्यममा आइरहेका थिए तर औपचारिक रुपमा भने यी दुइले जानकारी गराएका थिएनन् । करिव ४ वर्ष देखि प्रेम सम्बन्धमा रहेको र चलचित्र ऐश्वर्यको छायांकनको समयमा नै कोर्ट म्यारिज समेत भइसकेको दीपिकाले सञ्चार माध्यमलाई बताएकी छिन् । अब पारिवारिक जमघट गर्दै उनीहरूले विवाह भने यो मंसिर वा अर्को मंसिरसम्ममा गर्ने समेत जानकारी गराएका छन् ।
