विराटनगर कार्तिक ११ , विराटनगरमा हुदै आएको दोस्रो संस्करणको मिस नेवा कोशीको फाइनलमा पुगेका प्रतियोगिहरुले आज आफ्नो आफ्नो प्रतिभा देखाएछन् । नमस्कार होटेलमा प्रतियोगिताका प्रतियोगीले आफ्नो प्रतिभा देखाएका थिए । आज फाइनलमा पुगेका १३ जना प्रतियोगि भए पनि १० जनाले मात्र प्रतिभा प्रस्तुत गरेका थिए । उनीहरूले साँस्कृतिक नृत्य, गायनलगायतको विभिन्न प्रतिभा देखाएका थिए । प्रतिभा देखाएका मध्ये उत्कृष्ट एक जनाले ‘बेस्ट ट्यालेन्ट अवार्ड’ प्राप्त गर्ने छन् ।
प्रतियोगिताको फिनाले विराटनगरको वीरेन्द्र सभा गृह हलमा कार्तिक १७ गते हुन लागेको छ ।
नेवार सामुदायमा रहेको किशोरीहरूको प्रतिभा प्रस्फुटन गर्ने उद्देश्यले मन्जिना मूभिज क्रियएसनको आयोजनामा उक्त प्रतियोगिता आयोजना गरेको हो । प्रतियोगिताको फाइनलमा विराटनगरकी मनिषा शाक्य, आस्मा तुलाधार, तमना श्रेष्ठ, रुजा शाक्य, सृजना श्रेष्ठ, सुधा श्रेष्ठ, नियती प्रधान, आर्जु श्रेष्ठ, स्नेहा श्रेष्ठ, स्वेक्षा तम्राकार, भोजपुरकी रुहीना प्रधान, बेलबारीकी चेलीना श्रेष्ठ र एलिना श्रेष्ठले प्रतिस्पर्धा गर्दैछन् ।
