विराटनगर, १३ कात्तिक ।
संस्कृतीविद् प्राध्यापक डा.सोम खतिवडाले पुरातात्विक स्थलको अबस्थाको बारेमा आफ्नो फेसबुक स्टाटस सार्बजनिक गरेका छन् । भोजपुर जिल्लामा रहेको टक्सारको बारेमा धारणा राख्दै उनले लेखेका छन्,–‘भोजपुरको टक्सारमा वि.सं. १८७२ सालमा टक्सार स्थापना गरियो र तामाका टक काटेर काठमाडौ लाने गरियो । यहाँका अक्षर तिनै टकहरू टाँसेर बनाईएका हुन् । आधा आना, एक आना र दुई आना मूल्यका यी टकहरू तोडेवालले छालाका धोक्रामा बोकेर नेपाल (काठमाडौ) लग्ने गर्दथे । टक्सारमा तामाका टक काट्न पाटन भेगबाट धातुको काम गर्ने मानिसहरू ल्याइएका थिए । यिनले त्यताको शीपमात्र नभएर संस्कृति पनि यस भेगमा भित्राए । तसर्थ टक्सार सांस्कृतिक स्थलको रूपमा पनि प्रख्यात छ ।’ 
तस्विर : डा साेम खतिवडाकाे फेसबुकवाट
