दमक मङ्सिर १४ ,
झापाको दमकस्थित ग्लोबल बोर्डिङ स्कूलमा नर्सरीमा अध्ययनरत एक छात्रालाइ शिक्षिकाले यातना दिएको पाइएको छ । शिक्षिका भुमिका सेन्चुरीले शरिरमा निलडाम हुने गरी कुटेपछि ३ बर्षिया छात्रा आरुसी पन्थी बिरामी परेकी छन् । उनलाइ दमकको निम्स अस्पतालमा भर्ना गरिएको छ ।
विद्यालयबाट मावली घर आएपछि बालिकाको माइजूले स्कुलको ड्रेस चेञ्ज गर्ने क्रममा निलडाम घाउ देखेपछि मामाले स्कुलमा पुगेर एक शिक्षकसँग सोधपुछ गरेका थिए । तर, सोधपुछका क्रममा ती शिक्षिकाले घटनाबारे कुनै प्रतिकृया नदिएपछि आफूले उपचारका लागि अस्पताल ल्याएको मामा बिक्रम केसीले बताए ।
बिद्यालयका प्रीन्सिपल गुणराज अधिकारीले बालिकाको अवस्था बुझ्न अस्पताल पुगेर दोषीलाइ कार्वाही गर्ने प्रतिबद्धता जनाएका छन् ।
