विराटनगर पुष ७ ।
मोरङ व्यापार संघको आयोजनामा शुक्रबारदेखि विराटनगरमा विराट ट्रेड एक्स्पो २०१८ सुरु भएको छ ।
प्रदेश नं १ मा आर्थिक क्रियाकलाप बढाउने, उद्योग व्यापारको प्रवद्र्धन गर्ने, कला संस्कृति र पर्यटन प्रवद्र्धन गर्ने उद्देश्यले विराटनगरको शंकरपुरमार्ग विराट मेडिकल अस्पतालको नजिकै पुस ६ देखि १४ गतेसम्म मेला लाग्ने छ ।
मेलामा नेपालका २०८ र भारत, पाकिस्तान र बङ्गलादेशका ४२ गरी २५० वटा स्टल छन् । दैनिक उपभोग्य सामग्री, मेशिनरी पार्टपुर्जा, गाडी, तयार पोशाक, छालाका सामान, हस्तकला वस्तु, साडी, कृषि सामग्री, मोबाइल र टेलिफोन जस्ता सामानको स्टल रहने छ ।
मेलामा प्रवेश गर्न कर सहित ६० रुपैयाको टिकट काटेर मेलाको मज्जा लिन सकिन्छ ।
