विराटनगर, २४ पुस ।
नमस्ते नेपाल हातेमालो सामाजिक संस्थाले आर्थिक अबस्था कमजोर भएका अपाङ बालबालिकालाई सहयोग गरको छ । हातेमालोको इजरायल समन्वय समितिबाट मोरङ जिल्ला रतुवामाइ नगर पालिका वडा नं. ८ निवासी तुलसीराम ढुङ्गाना र सिर्जना ढुङ्गानाका ५ जना अपाङ्ग छोरा छोरीलाई सहयोग गरेको हो । उनीहरुलाई न्यानो कपडा र खाद्यान्न सहयोग गरिएको संस्थाका आजिवन सदस्य हिक्मतबहादुर बस्नेतले बताए । उनीहरुलाई अहिले जाडोको समयमा नभई नहुने लत्ता कपडा तथा उनीहरुको परिवारको लागि खाद्यान्न बितरण गरिएको थियो । संस्थाका सदस्य पुणर्बहादुर थापाले धेरै सहयोग गर्न नसकेपनि थोरै भएपनि उनीहरुको घरमा नै पुगेर संस्थाले पुण्यको कम शुरु गरेको सुनाए ।
