विराटनगर ८ माघ । मोरङको बेलवारी नगरपालिका ११ लक्ष्मीमार्गमा ग्याँस वेल्डिङको ड्रम पड्किएर १ को मृत्यु भएको प्रहरीले जनाएको छ । आज विहान मंगलबार साढे आठ बजेको समयमा लक्ष्मी मार्गमा रहेको बस्नेत ग्रिलमा काम गर्दै आईरहेका ३७ को मनिष बराईलीको मृत्यु भएको जिल्ला प्रहरी कार्यलय मोरङले जनाएको छ ।
वेल्डिङको ड्रम पड्किएर शरिरको बिभिन्न भागमा चोट लागेर गम्भीर घाइते भएका बराईलीलाई आजै विराटनगर स्थित न्यूरो अस्पतालमा उपचारको लागी ल्याईएको थियो । बराईलीको आज विहान १० बजे उपचारको क्रममा मृत्यु भएको जिल्ला प्रहरी कार्यलय मोरङका डिएसपी घनस्याम श्रेष्ठले जानकारी दिनुभयो ।
