विराटनगर, १६ माघ ।
जेनिथ इन्टरनेशनल कलेज विराटनगरले भारतको उडिसा राज्यको भुवनेश्वरीमा आयोजित तीन दिने ‘कल्चर फेस्ट’ मा सहभागिता जनाएको छ । गत जनवरी १८ देखि २० सम्म श्रीश्री रवीशंकर विश्वविद्यालयको आयोजनामा भएको पाँचौं ‘वरियन कल्चर फेस्ट’ मा जेनिथ कलेजका ७ जना विद्यार्थी सहभागि भएका थिए । उनीहरुले विजनेस सेमीनार, टक शो, प्रशिक्षण, कल्चर र खेलकुद लगायतको प्रतियोगितामा सहभागिता जनाएको क्याम्पस प्रमुख सन्दिपदास श्रेष्ठले जानकारी दिनुभयो । उहाँका अनुसार प्रतियोगितामा कलेजका विद्यार्थी विभिन्न प्रतियोगिताको फाईनल सम्म पुग्न सफल भएका थिए ।
रवीशंकर विश्वविद्यालयको निमन्त्रणामा जेनिथ कलेज पहिलो पटक वरियन कल्चर फेस्टमा सहभागि भएको क्याम्पस प्रमुख श्रेष्ठले बताउनुभयो । प्रतियोगितामा भारतका विभिन्न राज्यका कलउहाँका अनुसार विद्यार्थीले नेपाली गित संगितमा नेपाली भेषभुसामा सजिएर भव्य प्रस्तुती दिएका थिए ।
‘वरियन कल्चर फेस्ट’ मा कलेजका विष्णुकान्त चौधरीको नेतृत्वमा वीवीए तेश्रो र पाँचौं सेमेष्टरका आकाश भगत, चिरञ्जीवी माझी, मिङ्मा तामाङ, मोनिका सुब्बा, कृतिका श्रेष्ठ र प्रतिमा विश्वकर्मा सहभागि भएको क्याम्पस प्रमुख श्रेष्ठले जानकारी दिनुभयो ।
