तेह्रथुम, ६ फागुन ।
तेह्रथुमको आठराई गाउँपालिका ३ ह्वाकूमा घरमा आगलागी हुदाँ एक बच्चाको जलेर मृत्यु भएको छ । स्थानीय रूद्र खातिको घरमा आगलागी हुदाँ खातिका ६ वर्षका छोरा मौसम खातीको जलेर मृत्यु भएको हो । आगलागीबाट खातीको दुईवटा घर जलेर पुर्ण रुपमा क्षति भएको जिल्ला प्रहरी कार्यालयका सुचना अधिकारी नारायणप्रसाद गौतमले बताए।
आगलागीको कारण भने खुल्न सकेको छैन । घटनास्थलमा ईलाका प्रहरी कार्यालय संक्रान्ति बजारबाट प्रहरी टोली खटिएको र आगलागीको अनुसन्धान भैइरहेको प्रहरीले जनाएको छ ।
