झापा, १४ फागुन। झापाको मेचीनगर नगरपालिका-१५ मा मंगलवार आफ्नै श्रीमतीलाई कोदालोको पासोले हानेर हत्या गरेको आरोपमा प्रहरीले एक जनालाई पक्राउ गरेको छ । बिहान करिब साढे ६ बजे सोही स्थान बस्ने बर्ष ३५ को लखिन्द्र राजवंशीले घरायसी बिवाद हुँदा आफ्नै श्रीमती बर्ष ३४ की चम्पली राजवंशीलाई कोदालोको पासो र बाँसले हानेर हत्या गरेका हुन् । कोदालोको पासोले लागेर राजवंशीको घटनास्थलमा नै मृत्यु भएको प्रहरी चौकी ज्यामिरगढीले जनाएको छ । घटनाकाे बारेमा इलाका प्रहरी कार्यालय धुलावारीबाट गएकाे प्रहरी टाेलीले शव पाेष्टमार्टमकाे लागि मेची अंचल अस्पताल भद्रपुर लगिएकाे छ ।
