गोपाल भण्डारी, कपिलवस्तु ।
कपिलवस्तुको शिवराज नगरपालिका ९ तुरुन्तपुरमा प्रहरीको गोलीबाट नेत्रबिक्रम चन्द (विप्लब) नेतृत्वको माओवादी कार्यकर्ता दुर्गाबहादुर रोका घाइते भएका छन् ।
प्रहरीका अनुसार, आज बिहान सबेरै रोकाको घरमा प्रहरीले छापा मारेको थियो । प्रहरी देखेपछि भाग्न खोज्दा उनलाई गोली प्रहार गरिएको प्रहरी उपरीक्षक अच्युतम पुडासैनीले बताए ।
खुट्टामा गोली लागेका रोकाको अहिले अञ्चल अस्पताल बुटवलमा उपचार भइरहेको छ ।
प्रहरीका अनुसार, रोकाको घरबाट दुई थान एसएमजी, तीन थान म्यागजिन, ६८ राउण्ड एसएमजी गोली, एक थान चाइनिज पेस्तोलसहित त्यसको म्यागजिन र गोली बरामद गरिएको छ ।
रोकाको घरबाट रिमोट कन्ट्रोल दुई थान, तार र बम बनाउने सामाग्रीहरु पनि पाइएको प्रहरीले जनाएको छ ।
