सुनसरी, २४ फागुन। सुनसरीको कोशी गाउँपालिका-८ नेहरुपार्कमा शुक्रवार हायस गाडीको ठक्करबाट मोटरसाईकलमा सवार बावुको मृत्यु भएको छ भने छोरा घाइते भएका छन् ।
पूर्व-पश्चिम राजमार्गमा पश्चिम तर्फ जाँदै गरेको को ३३ प २०५१ नम्बरको मोटरसाईकललाई बिपरित दिशाबाट आउँदै गरेको बा ५ ख ७११६ नम्बरको हायसले ठक्कर दिएको थियो । हायसको ठक्करबाट मोटरसाईकलको पछाडी सवार सप्तरीकाे सप्तकोशी नगरपालिका-३ फत्तेपुर बस्ने बर्ष-६० को अम्मर बहादुर थापा र निजको छोरा मोटरसाईकल चालक बर्ष-३८ को मोहनराज थापा घाइते भएका थिए । दुर्घटनामा घाइते दुवै जनालाई उपचारको लागि जिल्ला अस्पताल ईनरुवा पठाईएकोमा गम्भीर घाइते बावुको उपचारको क्रममा अस्पतालमा मृत्यु भएको हो । छोराको अवस्था सामान्य रहेको जिल्ला प्रहरी कार्यालय सुनसरीले जनाएको छ ।
