रंगेली ,१७ चैत । रंगेलीमा आयाेजना हुने ६२ अाै सहकारी दिवसका अवसरमा साप्ताहिक रुपमा विभिन्न कार्यक्रम भईरहेकाे छ ।
शुक्रबार रंगेलीमा रहेको आधादर्जन सहकारीका प्रतिनिधि तथा सदस्यले र्याली निकालेका थिए भने शनिबार माेटरसाईकल र्याली निकालिएकाे छ । माेरङकाे धनपालथान गाउँपालिकाकाे कर्सिया बजार हुँदै रंगेली ,डाईनियाँ तथा झपरतल चाेकसम्म माेटसाईकल र्याली निकालिएकाे थियाे । 'दिगाे विकास लक्ष्य प्राप्तिका लागि सहकारी' भन्ने मुल नाराका साथ यहीँ चैत २० गते रंगेलीमा मनाउने सहरकारी दिवस मनाउन लागिएकाे हाे ।
त्यसैगरी विराटनगरमा बसेकाे सहकारी सङ्घकाे बैठकले प्रत्येक बर्ष प्रदान गर्दै आएकाे विभिन्न बिधामा पुरस्कृत गर्ने ब्यक्ति समेत छनाैट गरिएकाे छ । सम्मानित तथा पुरस्कृत हुनेहरुमा जिल्ला सहकारी संघका सल्लाहकार तारा बहादुर कार्की , चन्द्र प्रसाद काफ्लेलाई सम्मान गर्ने निर्णय गरेको छ । त्यस्तै सहकारी पत्रकारीता पुरस्कार एभिन्युज टेलिभिजन तथा आवर विराटनगरका रंगेली सम्वाददाता रबिन्द्र बराललाई पुरस्कृत गर्ने निर्णय गरेकाे छ । पुरस्कारकाे राशी नगद ५ हजार १ सय रुपैयाँ रहेकाे जिल्ला सहकारी संघ माेरङ का अध्यक्ष डिल्ली पाेख्रेलले जानकारी दिए ।
