विराटनगर, ६ बैशाख । राष्ट्र बैंक विराटनगरमा सरुवा भई आउनु भएका प्रमुख व्यवस्थापक रोशन सिग्देललाई स्वागत गरिएको छ भने सरुवा हुनु भएका विनोदराज आचार्यलाई विदाई गरिएको छ ।
विराटनगरका विकास बैंक र फाइनान्स कम्पनीको संयुक्त आयोजनामा स्वागत तथा विदाई कार्यक्रमको आयोजना गरिएको हो । कार्यक्रममा बोल्दै सिग्देलले आर्थिक क्षेत्र संवेदनशील क्षेत्र भएकाले सबै तटस्थ भएर काम गर्नुपर्नेमा जोड दिए । भर्खरै आएका सिग्देलले बैंक तथा वित्तिय संस्थाको अवस्था आफूलाई थाह भएको भन्दै समस्या समाधानका लागि अगाडि बढ्ने बताए । उनी बैक सुपरभिजन काठमाडौंबाट सरुवा भएर विराटनगर आएका हुन् । यस्तै सरुवा भएर वित्त कम्पनी सुपरीवेक्षण विभाग काठमाडौं जान लाग्नु भएका विनोदराज आचार्यले अहिलेसम्म सहयोग गर्ने सम्पूर्णलाई धनयवाद दिए ।
