विराटनगर, १४ बैशाख ।
विराटनगर बिमानस्थलबाट प्रहरीले एकजनालाई लागुऔषध सहित पक्राउ गरेको छ । विराटनगर बिमानस्थलमा बुद्ध एयरद्वारा काठमाण्डौ जान लागेको अबस्थामा प्रहरीले पक्राउ गरेको हो ।
सुनसरी धरान उपमहानगरपालिका १७ बस्ने बर्ष २६ का डेनी भनिने दनिल राईले लुकाई छिपाई काठमाडौँ लैजान लागेको लागु औषध नियन्त्रणमा लिएको हो । राईले डाईजेल्याव १५, लुपिजेसिक १५, फेनारगन १५, र एभिल १५ एम्पुल गरी जम्मा ६० एम्पुल बोकेर बिमान चढ्न जाने क्रममा चेकजाँच गर्दा उनलाई नियन्त्रणमा लिईएको प्रहरीले जनाएको छ । ा
पक्राउ परेका राईलाई मोरङ जिल्ला अदालतबाट लागु औषध (नियन्त्रण) ऐन २०३३ बमोजिम म्याद थप गरी थप अनुसन्धान भई रहेको जिल्ला प्रहरी कार्यालय मोरङका डिएसपी घनश्याम श्रेष्ठले जानकारी दिए ।
